جيڪب آباد: جيڪب آباد ۾ صرافه بازار ۾ سونارا پاڻ ۾ وڙهي پيا جهيڙي دوران هڪ ٻئي مٿان لتن، ٺونشن ۽ چماٽن جو وسڪارو لائي ڏنو، هڪٻئي کي سخت ڪٽڪو جهيڙي دوران هوائي فائرنگ پڻ ڪئي وئي.
جيڪب آباد جي صرافه بازار ۾ سونا زيور خريد ڪرڻ تي وحيد سومرو ۽ شڪرالله سرهيو جي ٻن ڌرين ۾ جهيڙو ٿي پيو جهيڙي ۾ ٻنهي ڌرين هڪٻئي مٿان لتن ٺونشن جو وسڪارو لاهي ڏنو جنهن جي نتيجي ۾ ٻنهي ڌرين جا 4 ماڻھو زخمي ٿي پيا جن کي اسپتال منتقل ڪيو ويو. جهيڙي سبب صرافه بازار مڇي مارڪيٽ بڻجي ويو اطلاع تي پوليس واقعي واري هنڌ پهچي وئي
پوليس جي موجودگي باوجود ٻئي ڌريون هڪٻئي کي گارگند ڪندون رهيون، جنهن کان پوءِ وڌيڪ نفري گهرائي وئي، انهي موقعي تي متاثر وحيد سومرو ٻڌايو ته حاجي شڪرالله سرهيو کان هڪ لک 80 هزار ۾ سونا زيور ورتا هئا جنهن تي انهن جي ڇوڪرن گارگند ڪئي ۽ تشدد جو نشانو پڻ بڻايو ويو.
