بدين: نالي واري انقلابي شاعر ڊاڪٽر آڪاش انصاري جي گهر واري جي وڊيو بيان نوان سوال اٿاري ڇڏيا آهن پنهنجي جاري ڪيل مبينا بيان ۾ هن پنهنجي پٽ لطيف آڪاش کي ڊاڪٽر آڪاش انصاري جي قتل ۾ ملوث بجائي ڪجھ ٻيا هٿ ملوث هجڻ جا امڪان ظاهر ڪري ڇڏيا آهن.
پنهنجي وڊيو بيان ۾ ڊاڪٽر آڪاش جي گهر واري اهو به چيو آهي ته سندس گهر واري ڊاڪٽر آڪاش انصاري جي قتل جي اڻڌري جانچ ڪئي وڃي هو ڪنهن جو نالو نه ٿي کڻي پر سندس پٽ کي بي گناھ ڦاسائڻ جي ڪوشش ڪئي وئي آهي ڊاڪٽر آڪاش انصاري جا اصل قاتل ڳوليا وڃن. هن مبينا جاري ڪيل وڊيو بيان ۾ ائين به چيو آهي ته جيڪڏهن هو ڊاڪٽر آڪاش انصاري جي قتل ۾ ملوث هجي ها ته جنازي ۾ ڪڏهن به شرڪت نه ڪري ها ۽ روپوش ٿي وڃي ها پر هن کي جنازي مان گرفتار ڪيو ويو آهي هن چيو ته اڳ ئي گهر واري جي وڇوڙي مون کي بي حال ڪري ڇڏيو آهي مٿان وري پٽ کي گرفتار ڪري منهنجي تڪليف ۾ وڌيڪ اضافو ڪيو ويو آهي
هن وڌيڪ چيو ته منهنجي ٻچڙي کي بچايو وڃي ڇو ته هڪ ٻچڙي جو درد هڪ ماءُ ئي ڄاڻي سگهي ٿي ڊاڪٽر آڪاش انصاري جي گهر واري جو اهڙو وڊيو بيان جاري ٿيڻ کان پوءِ سوين سوال ڪر کڻڻ لڳا آهن.
