نئون ديرو: نئون ديرو ڀرسان پوليس مقابلي ۾ 2 ڏوهاري مارجي ويا آهن پوليس موجب مارجي ويل ڏوهاري قتل ٿيل واپاري سنتوش ڪمار ۽ سنجي ڪمار جي قتل ۾ ملوث آهن.
رپورٽ موجب نئون ديرو شهر جي شگر مل باءِ پاس روڊ سان لاڙڪاڻو پوليس ۽ ڏوهارين ۾ مقابلو ٿي پيو جنهن دوران 2 بدنام ڏوهاري مارجي ويا. مارجي ويل ڏوهارين جي سڃاڻپ صدام جلباڻي ۽ واجد جلباڻي طور ٿي آهي. پوليس جو انهي حوالي سان موقف آهي ته مارجي ويل ٻئي ڏوهاري واپاري سنتوش ڪمار ۽ سنجي ڪمار جي قتل ۾ ملوث هئا.
پوليس طرفان مقابلي ۾ مارڪيٽ ٿاڻي جو ايس ايڇ او سرتاج جاگيراڻي، نئون ديرو ٿاڻي جو ايس ايڇ او سجاد ڀٽي، دڙي ٿاڻي جي ايس ايڇ او گلزار ٻرڙو سميت وڏا پوليس اٽالا مقابلي ۾ شامل هئا پوليس موجب 6 ڏوهارين جي ٽولي جي لاڙڪاڻي کان نئون ديرو طرف ڏوهه جي ارادي موجودگيءَ جي اطلاع تي ڪاروائي ڪئي جنهن دوران ڏوهارين ۽ پوليس ۾ مقابلو ٿي پيو جنهن ۾ فائرنگ دوران 2 ڏوهاري صدام ۽ واجد جلباڻي مارجي ويا آهن ۽ 4 ڏوهاري فرار ٿي ويا آهن جن جي گرفتاري لاءِ ڪاروائي جاري آهي. مارجي ويل ڏوهارين وٽان هڪ ڪلاشنڪوف، 2 پسٽل ۽ گوليون هٿ ڪيون ويون آهن.
