ڪراچي: اسماعيلي ڪميونٽي جو روحاني پيشوا پرنس ڪريم آغا خان لاڏاڻو ڪري ويو آهي. پڌرائي موجب پرنس ڪريم آغا خان جو لاڏاڻو 4 فيبروري تي پرتگال جي راڄڌاني لزبن ۾ ٿيو سندس عمر 88 سال هئي، لاڏاڻي وقت شاهه ڪريم جا گهر ڀاتي ساڻس گڏ موجود هئا. مولانا شاهه ڪريم الحسيني اسماعيلي ڪميونٽي جو 49هون امام هو.
پرنس ڪريم آغا خان جا 3 پٽ رحيم آغا خان، علي محمد آغا خان ۽ حسين آغا خان آهن جڏهن ته هڪ ڌيءَ زهرا آغا خان آهي. مولانا شاهه ڪريم جي جنازي نماز لزبن ۾ ئي ادا ڪرڻ جو اعلان ڪيو ويو آهي پر تدفين جي هنڌ جو اعلان في الحال نه ڪيو ويو آهي. تاريخ ۽ وقت جو اعلان انتظامن کي حتمي شڪل ڏيڻ تي ڪيو ويندو. جنازي نماز ۾ شاهه ڪريم جي گهر ڀاتين سان گڏ پارٽي جا سينئر اڳواڻ ۽ امامت انسٽي ٽيوشنز جي ادارن سان جڙيل ماڻهو به شرڪت ڪندا.
جماعت جي ميمبرن کي درخواست ڪئي وئي ته جيستائين انهن کي گهرايو نه وڃي اهي جنازي نماز ۾ ذاتي حيثيت ۾ شرڪت ڪرڻ جي ڪوشش نه ڪن. جنازي نماز کي لائيو ڏيکارڻ جو اهتمام ڪيو ويندو جنهن جي باري ۾ تمام جلد آگاهي ڏني ويندي.
پرنس ڪريم آغا خان جي لاڏاڻي تي سڄي دنيا ۾ جماعت خانن ۾ خصوصي دعائون شروع ڪيون ويون آهن. نئين پيشوا جي اعلان تائين اسماعيلي ڪميونٽي جي آفيشل ويب سائيٽ تي درود جي تسبيح جاري رهندي. پرنس ڪريم آغا خان جي چاليهي جي موقعي تي به مسلم روايتن جي تحت خصوصي دعائون گهريون وينديون. ٻئي طرف روايتن جي تحت انهي جي جانشين يعني اسماعيلي ڪميونيٽي جي 50هين حاضر امام کي نامزد ڪيو ويو آهي.
پڌرائي موجب جانشين جي نامزدگي پرنس ڪريم آغا خان پنهنجي وصيت ۾ ڪئي هئي. پرنس ڪريم آغا خان جي گهر ڀاتين ۽ پارٽي جي سينئر ميمبرن جي موجودگي ۾ اها وصيت پڙهي ٻڌائي ويندي. اسماعيلي عقيدي موجب ڪڏهن به ائين ناهي ٿيو ته پارٽي امام کان سواءِ ٿيندي هجي، جيئن ئي امام هن جسماني دنيا مان رخصت اختيار ڪندو آهي انهي جي روحاني روشني انهي جي نامزد جانشين ڏانهن منتقل ٿي ويندي آهي ۽ اهو سلسلو 1400 سالن کان قائم آهي.
